გვინდა თუ არ გვინდა "აღრიცხულია" და ყველა მათგანს გააჩნია IP მისამართი. და არც თუ ისეთ სირთულეს წარმოადგენს ამ მისამართის გაგება და მისი მფლობელის პოვნა. სანამ მთავარს ვიტყოდეთ, ჯერ იმაზე თუ რა პრინციპითაა ეს ძებნა შესაძლებელი და როგორ ხდება იგი.
აქ ერთ ნამდვილ ამბავს მოგიყვებით, რომელიც მაგალითად შეიძლება გამოგვადგეს (არავის ვურჩევთ ამის ხელახალ გამეორებას). პიროვნება, რომელიც ერთ სოლიდურ ფირმაში მუშაობდა და რომელსაც თავისი შეფის საკმაო ნდობა გააჩნდა, ახლაც ძებნაშია. ინტერნეტ კაფეების გამოყენებით მოახერხა და შეკვეთებს აგზავნიდა თავისი შეფის სახელზე, რომლის საბანკო მონაცემები მისთვის ცნობილი იყო. ამით მან საკმაოდ დიდი თანხა გადარიცხა თავის იმ არა ნამდვილ სახელზე, რომლითაც სარგებლობდა თავისი შავბნელი საქმისათვის. (მას ჰქონდა რამოდენიმე პასპორტი, სხვა და სხვა სახელით და სხვა და სხვა ქვეყნის წარმომადგენლობით აგრეთვე შესაბამისად საბანკო ანგარიშები სხვა და სხვა ბანკებში) და ყველაფერი ეს შეძლო დაახლოებით ერთი თვის განმავლობაში, სანამ თავისი ყოფილი ფირმა ამას შეამჩნევდა და თავის საბანკო მონაცემებს შეაჩერებდა. საქმეში ჩაერთო გამოძიება, რომელიც საბანკო გადარიცხვებს მიყვებოდა და ყველგან დაგვიანებით მოუწია მისვლა. აღნიშნული თანხები ყველა გადარიცხულ ქვეყნებში უკვე ათვისებული იყო. დაიწყო ამ პიროვნების ძებნა და მისი ვინაობის გარკვევა. შედეგი დღეისათვისაც ალბათ უცნობი იქნებოდა, თუ არა ისევ დამნაშავეს "შეცდომა". მას ყველა შეკვეთები შესრულებეული ქონდა ინტერნეტ კაფეებიდან, გარდა ერთისა, რომელიც მომხდარი იყო ქალაქ მიუნხენში. დაადგინეს ვინაობა ამ კომპიუტერის მფლობელისა და საქმეც გაიხსნა. აღმოჩნდა, რომ დამნაშავემ მაინც დაუშვა შეცდომა და კერძო კომპიუტერიდან მოახდინა ერთი შეკვეთა, ამ კომპიუტერის მფლობელი მისი ყოფილი თანაკურსელი აღმოჩნდა, რომელმაც საერთოდ არაფერი იცოდა ამ შეკვეთაზე. მთავარმა სერვემა გამოძიებას გადასცა ის მონაცემები, თუ როდის და რომელ საათზე მოხდა შეკვეთა და დამნაშავეს მეგობარს აღარ გაჭირვებია "მოეგონებინა", თუ მასთან ამ დროს ვინ იყო სახლში და ვინ ისარგებლა მისი კომპიუტერით.
თუ თქვენ ამ ამბავს გადახედავთ, დაინახავთ ერთს, რომ ინტერნეტ კაფეებიდან ცოტა ძნელია ვინმეს ვინაობის დადგენა, რაც შეეხება კერძო კომპიუტერს, ეს არც თუ ისე რთულია. IP მისამართის გაგება ნიშნავს, მთავარი სერვერის მისამართს, საიდანაც კლიენტი ინტერნეტს უკავშირდება და არც იმის გაგებაა სირთულე, თუ რა დროს მოხდა დაკავშირება. რა თქმა უნდა ყველა სერვერი თავისი კლიენტების მონაცემებს საიდუმლოდ ინახავს, მაგრამ თუ მსგავს მაგალითთან იქნება საქმე, იგი გადასცემს პოლიციას თავისი კლიენტის ყველა მონაცემს. და არ დაივიწყოთ ერთიც, ყველა სერვერს ინტერნეტში თავისი მუდმივი, უცვლელი IP მისამართი აქვს. ახლა კი იმაზე, თუ როგორ ხდება ამ IP მისამართის გაგება. ყველა კლიენტის კომპიუტერის IP მისამართების დახსომება ხდება სერვერზე წინასწარ განსაზღვრულ "REMOTE_ADDR" ცვლადში. მასზე მოქმედებას და მის მონაცემების წაკითვას კი ასრულებს ფუნქცია "getenv()". ახლა შემოგთავაზებთ ერთ მაგალითს, სადაც მოვახდენთ ჩვენი კლიენტის IP მისამართისა და მისი ბრაუზერის გაგებას. < ? $ip = getenv("REMOTE_ADDR"); echo "Tqveni IP misamarTia: $ip < br>"; $browser= getenv("HTTP_USER_AGENT"); echo "Tqveni brauzeria: $browser < br>"; ? >
თუ თქვენ ამ მაგალითს გასინჯავთ მაშინ ბრაუზერი გაჩვენებთ თქვენს IP მისამართს და თქვენს ბრაუზერს. ასევეა შესაძლებელი თქვენი კლიენტის IP მისამართისა და ბრაუზერის გაგება, თუ ამ მაგალითს თქვენს მთავარ სერვეზე მოათავსებთ და ყველა შემომსვლელს პარალელურად ამ სკრიპტს დაუკავშირებთ.
